Gununsesi.org xəbər verir ki, bu barədə biznesmen özü məlumat verib.
“Hörmətli oxucular! Ay yarım əvvəl Vətən müharibəsi qalibiyyətlə başa çatdı. Bakıda Qələbə Paradı keçirildi. Ölkə işğalçıların qovulmasından sonra öz ərazilərinin bərpasına başladı. Bir vaxtlar A.V.Suvorov deyirdi ki, sonuncu əsgər dəfn edilməyənə qədər müharibə başa çatmayacaq. Şəhid olmuş qəhrəmanlarımızın xatirəsinə qayğı olduqca mühüm vəzifədir. Lakin indi onların ailələrinə, yaralılara, Vətənin azad olunması naminə qanını axıdanlara qayğı da ondan dah az əhəmiyyət daşımır. Onlara yaralarını sağaltmaqda, sağlamlıqlarını bərpa etməkdə, normal həyata maksimum qayıtmaqda kömək etmək bizim ümumi borcumuzdur. Prezident İlham Əliyev öz sərəncamı ilə yaralılara və şəhid ailələrinə yardım Fondu yaradıb. Prezidentin təşəbbüsünü dəstəkləyərək mən bu Fonda bir milyon manat köçürməyi qərara aldım”, – Fərhad Əhmədov bildirir.
