3×3 basketbol üzrə Dünya Qadın Seriyasında Astara mərhələsinin qrupları və təqvimi müəyyənləşib
Azərbaycan Basketbol Federasiyasından verilən məlumata görə, yarışda 12 komanda 4 qrupda mübarizə aparacaq.
A qrupunda Almaniya, Misir, Ukrayna, B qrupunda Çin, Çexiya və Avstriya, C qrupunda Polşa, “Yuanda” klubu, Azərbaycan, D qrupunda isə Rumıniya, Macarıstan və “Neftçi” klubu yer alıb.
Reqlamentə əsasən, ilk iki yeri tutmuş kollektivlər 1/4 final mərhələsinə vəsiqə qazanacaqlar. Astara mərhələsinin açılış oyunu mayın 20-də saat 12:40-da Almaniya və Ukrayna seçmələri arasında baş tutacaq.
Azərbaycan yığmasının ilk matçı sabah saat 13:30-da Polşa millisinə, “Neftçi” klubunun oyunu isə saat 13:55-də Rumıniya seçməsinə qarşı olacaq.
Gununsesi.info
