“İsraildə Azərbaycan Ticarət missiyasının açılışı tarixi bir hadisədir”.
Gununsesi.info xəbər verir ki, bu barədə İsrailin Bakıdakı səfiri Corc Dik tvitterdə yazıb.
O qeyd edib ki, bu gün tarixi bir gündür, çünki iki ölkə arasında diplomatik münasibətlərin qurulmasından keçən 30 il ərzində Azərbaycanın İsraildə heç bir nümayəndəliyi olmayıb.
“Bu gün Tel-Əvivdə Azərbaycanın ticarət missiyası açıldı və ilk dəfə olaraq Azərbaycan bayrağı İsraildə dalğalanacaq”, – Dik yazıb.
Səfir bu tədbirin iki ölkə xalqlarını daha da yaxınlaşdıracağını, əlaqələrin daha yaxın və hərtərəfli inkişafı üçün imkanlar yaradacağını vurğulayıb.
Gələn il iki ölkə diplomatik əlaqələrin qurulmasının 30-cu ildönümünü qeyd edəcək. Dikin yazdığına görə, bayram tədbirləri həm Azərbaycanda, həm də İsraildə baş tutacaq.
Gununsesi.info
