AZAL-ın fəaliyyəti turizmin inkişafına ziyan vurur - ZAHİD ORUC

  • By admin
  • 07 Noyabr 2017 15:22

AZAL-ın fəaliyyəti Azərbaycanda turizmin inkişafına ziyan vurur.

Gununsesi.info xəbər verir ki, bunu deputat Zahid Oruc parlamentdə komitələrin birgə iclasında 2018-ci ilin büdcəsinin müzakirəsi zamanı deyib.

Onun sözlərinə görə, bu gün AZAL-ın texniki parkı çox yüksək səviyyədə qurulsa da, işini düzgün qura bilməyib: “AZAL-ın reyslərinin, onun dövriyyəsinin artmasına baxmayaraq, hələ də bu qurumun 650 milyon dollar borcu var. Hələ mən AZAl-ın biletinin qiymətindən danışmıram”.

O əlavə edib ki, əgər bir turist hansısa ölkəyə gedəndə vəsaitinin 70 fazini nəqliyyata və qalmağa xərcləyəcəksə, o, bir daha həmin ölkəyə səfər etməyəcək: “O baxımdan AZAL-ın fəaliyyəti ölkədə turizmin inkişafına maneçilik törədir”.

Mürtəza

Gununsesi.info