Son zamanlar QHT-lə Dövlət Dəstəyi Agentliyinin Müşahidə Şurasının sədri Azay Quliyev haqqında sosial şəbəkələrdə və mediada bir sıra tənqidlər səsləndirilir.
Gununsesi.info–nun xəbərinə görə, Quliyev barəsində olan bu iddiaları “qara piar” adlandırıb.
“Bugünlərdə barəmdə yalan və böhtan xarakterli yazı sifariş edənlərin yeni fantaziyası ilə rastlaşdım.
Fantaziya janrının uydurmalar əsasında qurulmasını nəzərə alaraq, səslənən “ittiham”ları şərh etməyə ehtiyac görmürəm.
Bununla yanaşı, özünə hörmət edən bütün QHT və mətbuat nümayəndələri çox yaxşı bilirlər ki, nə QHT-lərin dövlət qeydiyyatına alınması, nə də QHT Agentliyinə dair tenderlərin keçirilməsi və icrası Müşahidə Şurası sədrinin səlahiyyətlərinə və məsuliyyətinə aid deyil.
Bu sadə həqiqəti bilmələrinə rəğmən, “fake”çi sifarişçilərin belə ucuz “fənd”lərə əl atması ikrah hissi doğurur”.
Elmar Elnuroğlu
Gununsesi.info
