Həbsdə olan ictimai fəal Bəxtiyar Hacıyev aclıq aksiyasını dayandırıb.
Gununsesi.info xəbər verir ki, bu barədə onun vəkili Aqil Layıc məlumat yayıb.
“Bəxtiyar Hacıyev ailə üzvlərinin, ictimaiyyətin və vəkillərinin fikrini nəzərə alaraq aclıq aksiyasını rəsmi və faktiki olaraq dayandırıb. Hazırda səhhəti normaldır, həkim nəzarəti ilə qidalanmağa başlayıb”, – vəkil bildirib.
Qeyd edək ki, B.Hacıyev xuliqanlıq və məhkəməyə hörmətsizlikdə ittiham olunaraq dekabrın 9-da həbs edilib. Onun jurnalist Ülviyyə Alovlu ilə münaqişəsinə görə tutulduğu bildirilir. Vəkilləri Bəxtiyar Hacıyevin 2 həftədir aclıq etdiyini qeyd edirdi.
Qeyd edək ki, bu gün Hacıyevin ev dustaqlığına buraxılmasına dair növbəti dəfə vəsatətə baxılacaq.
Gununsesi.info
