31 Dekabr Dünya Azərbaycanlılarının Həmrəyliyi Günü və Yeni il bayram münasibəti ilə “Bakı Metropoliteni” Qapalı Səhmdar Cəmiyyəti (QSC) gücləndirilmiş iş rejimində fəaliyyət göstərəcək.
Bunu Gununsesi.info-ya açıqlamasında qurumun mətbuat xidməti və ictimaiyyətlə əlaqələr şöbəsinin rəisi Nəsimi Paşayev bildirib. O qeyd edib ki, gücləndirilmiş iş rejimi yalnız 31-i bayram gününü əhatə edəcək: “Əgər ehtiyac yaranarsa, o zaman yeni il gecəsi “Bakı Metropoliteni”n işçiləri adi günlərdən fərqli olaraq 1 saat çox çalışacaq”.
Qeyd edək ki, Beynəlxalq Avtovağzal dekabrın 29-dan yanvarın 5-dək, dəmir yolu isə dekabrın 29-dan yanvarın 5-dək gücləndirilmiş iş rejimində çalışacaq.
Anar
Gununsesi.info
