İranla Azərbaycan arasında strateji əlaqələrin qurulmasına mane olan qüvvələr var və o qüvvələr hər vəchlə iki ölkə arasındakı əlaqələrə xələl gətirməyə çalışırlar.
Gununsesi.info xəbər verir ki, bu fikri İranın müdafiə naziri, ordu generalı Hüseyn Dehqan Rusiyanın RT telekanalına müsahibəsində Azərbaycan İsrail münasibətləri ilə bağlı məsələyə toxunarkən deyib.
“Bizim Azərbaycandakı dostlarımız bilməlidirlər ki, bölgədə və onun hüdudlarından kənar qüvvələr var ki, Azərbaycanla İran arasında strateji əlaqələrin qurulmasını arzulamırlar və buna hər vasitə ilə mane olmağa çalışırlar”- deyə, İranın müdafiə naziri vurğulayıb.
Onun sözlərinə görə, bütün bunlara rəğmən Azərbaycan prezidenti İranla əlaqələrin inkişaf etdirilməsinə çalışır və bu istiqamətdəki səylərini əsirgəmir.
Azərbaycan-İsrail münasibətlərinə gəldikdə isə iranlı nazir deyir ki, biz Azərbaycandakı dostlarımızın İsrailin bölgəyə buraxılması ilə bağlı hərəkətlərinə diqqət yetirdik və qənaərimizə görə, İsrailin bölgəyə buraxılması onların da xeyrinə olmayacaq: “İran buna dözməyəcək. Buna baxmayaraq bu onların öz maraq və məqsədlərini təmin etmək üçün verdiyi qərardır. Və biz də buna etiraz edə bilmərik”.
İranın müdafiə naziri əlavə edib ki, iki il öncə İsrailin şpion pilotusuz PUA-sə İranın hava məkanını Azərbaycan tərəfdən pozmuşdu: “Biz bununla bağlı qarşı tərəfə nota göndərərək etirazımızı bildirdik. Bildirdik ki, Azərbaycan ərazisində İsrailin kəşfiyyat ocağı var. O zaman Azərbaycan prezidentinə bununla razılaşmaq çətin oldu. Ancaq onunla bir ildən sonra baş tutuan görüşümüzdə bu məsələ ətrafında söhbətləşdik və Azərbaycan ərazisində İsrailin kəşfiyyat ocağının olduğunu bir daha xatırlatdıq. Ona görə də düşünürəm ki, bizim Azərbaycandakı dostlarımız İsrailin bölgəyə gəlişi heç onların maraqlarıan uyğun olmadığını anlamalıdırlar. “Azərbaycan prezidenti iki ölkə arasında əlaqələrin inkiaşf etdirilməsini istəsə də, bunu istəməyən qüvvələr mane olur və təsir edirlər. Netanyahunun İrana təhdidinə gəldikdə isə deyə bilərəm ki,biz onu qəbul etmirik və ona görə də heç eşitmək barədə belə düşünmürük nə danışır o. Onun danışıqlarının hamısı boş sözlərdir. Qoy nə qədər ki, yorulmayıb öz-özünə danışsın”- deyə, iranlı nazir bildirib.
Gununsesi.info
