Bakıda Ermənistan məhsulu satılır? - RƏSMİ AÇIQLAMA

  • By admin
  • 20 Sentyabr 2019 19:12

Bu gün bəzi kütləvi informasiya vasitələrində və sosial şəbəkələrdə Bakının bəzi mağazalarında “Choco Pie” adlı, guya Ermənistan istehsalı olan qənnadı məmulatının satılması ilə bağlı məlumatlar yayılıb.

Gununsesi.org xəbər verir ki, Dövlət Gömrük Komitəsindən verilən məlumata görə, Azərbaycanın Ermənistanla heç bir ticarət əlaqəsi yoxdur və ola da bilməz.

HTML tutorial

“Adıçəkilən məhsula gəlincə isə, “Orion” ticari nişanlı “Choco Pie” adlı qənnadı məmulatları ölkə ərazisində fəaliyyət göstərən müxtəlif idxalçıların ünvanına Rusiya Federasiyasının “Orion İnternational Evro” şirkəti tərəfindən idxal olunub. Belə ki, xarici tərəfdaş 100 brend portfelinə sahib olaraq biskvit, karamel, saqqız və s. kateqoriyalı malların istehsalını həyata keçirən dünyanın ən böyük qənnadı şirkətlərindən biridir və əsas istehsal bazarları Rusiya, Çin, Koreya və Vyetnamda yerləşir. Eyni zamanda, qeyd etmək istərdik ki, Rusiya Federasiyasının Tver və Novosibrisk şəhərlərində şirkətin iki istehsal zavodu fəaliyyət göstərir. Şirkət tərəfindən istehsal olunan müxtəlif növ qənnnadı məmulatları və qəlyanaltıları dünyanın 60-da çox ölkəsində realizə olunur”, – deyə məlumatda qeyd olunub.

 

 

Gununsesi.org