Bakıda kooperativ binanın sakinləri təhlükə ilə üz-üzədirlər - VİDEO

Paytaxtın Xətai rayonu, Məhəmməd Hadi küçəsi 63 ünvanındakı 41 ildir ki, yaşayış olan 160 mənzilli binanın girişindəki beton lövhə çökmək üzrədir. Sakinlər təhlükənin qarşısını almaq üçün beton lövhənin altına dəmir dirək qoyublar. Bununla belə, təhlükənin sovuşduğunu demək olmaz.

Sakinlərin digər ən böyük şikayəti isə binanın liftlərindəndir.

HTML tutorial

Bura kooperativ bina olduğundan sakinlər kooperativin sədrinə dəfələrlə müraciət etdiklərini deyirlər.

Hər dəfə yağış yağan kimi su içəri damır, blokun iç divarları nəmlənir.

Sakinlər kooperativin sədrini onların şəxsi vəsaitləri hesabına tikdirdikləri xeyir-şər evini satmaqda da ittiham edirlər.

Kooperativin sədri Elxan Dünyamalıyev isə “Xəzər Xəbər”ə açıqlamasında bu iddianı təkzib edib. O, sakinlərdən yığılan vəsaitin məbləğinin Nazirlər Kabinetinin müəyyən etdiyi tariflərə əsaslandığını bildirib.

Problem ilə bağlı Xətai Rayon İcra Hakimiyyətindən “Xəzər Xəbər”ə bildirildi ki, bina kooperativ tipli olduğu üçün sakinlər yenidən seçki keçirib sədri dəyişdirə bilərlər. O ki qaldı liftlərin dəyişdirilməsinə, bununla bağlı lift idarəsinə artıq tapşırıq verilib. Ərazinin abadlaşdırılması da nəzərdə tutulur.

Gununsesi.info mövzu ilə bağlı daha ətraflı videomaterialı təqdim edir:

Gununsesi.info