Bakıda məşhur provayder istifadəçilərini internetsiz qoydu
Bakıda “Alfanet” şirkətinin internet xidmətindən yararlanan sakinlər problemlə üzləşiblər.
Gununsesi.info Oxu.Az-a istinadən məlumatına görə, istifadəçilər artıq bir neçə saatdır ki, internetə qoşula bilmirlər.
Bundan əlavə, şirkətin rəsmi saytına da girmək mümkün olmur.
“Alfanet”lə əlaqə saxlamaq istəsək də, nömrələrinə də zəng çatmayıb.
İnternet provayderinin xidmətindən yararlanan istifadəçilər məcbur olub öz iradlarını şirkətin rəsmi “Facebook” səhifəsində yazıblar.
Onlar yaranan problemin nə vaxt aradan qaldırılacağını və şirkətin telefon nömrələrinə niyə zəng çatmadığını bilmək istəyirlər.
