Bakıda polislərə hücum

  • By admin
  • 10 Oktyabr 2016 22:18

elektrosok

 

Gununsesi.info-nun Report-a istinadən məlumatına görə, hadisə Təbriz və A.Neymətulla küçələrinin kəsişməsində qeydə alınıb.

HTML tutorial

Belə ki, polis əməkdaşları qeyd olunan ərazidə xidmət apararkən 4 nəfər şəxsin ictimai yerdə yüksək səslə, əl-qol hərəkətləri ilə mübahisə etdiklərini görüb özlərini onlara təqdim edərək intizama dəvət ediblər. Həmin şəxslərdən biri, Mingəçevir şəhər sakini 1992-ci il təvəllüdlü Araz Məmmədov üzərindəki elektroşok cihazını çıxararaq polis əməkdaşlarına yönəldib.

Polis əməkdaşları onu və Kürdəmir rayon sakinləri – 1996-cı il təvəllüdlü Kənan Vəliyevi, 1990-cı il təvəllüdlü Fərahim Süleymanovu və Ağcabədi rayon sakini 1990-ci il təvəllüdlü Namiq İsmayılovu polisin qanuni tələbinə riayət etməyə dəvət etdikdə A.Məmmədov bu dəfə üzərində olan bıçaqla polislərə hücum edərək xəsarət yetirməyə cəhd göstərib.

Hər iki hücumun qarşısı alınıb. Hadisə zamanı xəsarət alan olmayıb.

Sonradan məlum olub ki, dörd nəfərdən A.Məmmədov və F.Süleymanov əvvəllər məhkum olunmuş şəxslərdir. Onların hamısı tutulub.

Faktla bağlı araşdırma aparılır.

 

Gununsesi.info