“Bakı Metropoliteni”nin polis əməkdaşları diləndirilən 9 yaşlı uşağı aşkarlayıblar.
Gununsesi.info xəbər verir ki, bu barədə Azərbaycan Uşaqlar Birliyinin sədri Kəmalə Ağazadə feysbuk səhifəsində yazıb.
Onun sözlərinə görə, uşaq evinə qaytarılmamaq üçün polislərə yalvarıb:
“Uşaq dəhşətlər yaşayıb… Təhsildən yayındırılıb. Bədənində iltihablı yaralar var… Hər gün 70 manatdan çox pul qazanıb. O puldan özünə yemək xərci üçün götürəndə anası döyüb. Bu, azmış kimi, hər dəfə atasına da döydürüb. Valideynlər cəzalandırılmalıdırlar”, – Birliyin sədri qeyd edib.
Ailə, Qadın və Uşaq Problemləri üzrə Dövlət Komitəsinin mətbuat katibi Teymur Mərdanoğlu məsələnin araşdırıldığını bildirib.
Gununsesi.info
