20 manat cərimə qoşa seriyalı avtomobil sürən sürücü üçün o qədər də ağır məbləğ olmayacaq
Yolun ortasında park etmək adətini bəzi sürücülər heç bir halda tərk edə bilmir. Sanki qəza işıqlarını yandırmaqla istənilən yerdə avtomobili saxlamaq, park etmək olar. Xüsusən də ikiərəfli və cəmi iki zolağı olan yollarda bunu edəndə əsl faciə yaşanır. “Əşşi, beş dəqiqəyə qayıdıram” düşünərək “işi yarım saat” uzanan sürücülər həmin vaxt yoldan keçən digər hərəkət iştirakçılarına qarşı hansı hörmətsizliyi etdiklərini, onları necə çətin duruma saldıqlarını deyəsən fərqində deyillər.
Analoji hal Bakı şəhərində, “Funda” tibb mərkəzinin qarşısında qeydə alınıb. Sosial şəbəkələrdə bu barədə məlumat paylaşan Elvin Qurbanov adlı iştifadəçi 90 EE 307 dövlət nömrə nişanlı, “Pejo” markalı avtomobilin xanım sürücüsünün etdiyi hərəkəti sarkazmla tənqid edir. Çünki cəmi 1 hərəkət zolağı olan yolda, həmçinin yolayıcının bir metrliyində bu cür park etmək?! Düzü bu sürücünün hansı məntiqlə düşündüyü suallar yaradır.
Bəlkə də 20 manat cərimə qoşa seriyalı avtomobil sürən sürücü üçün o qədər də ağır məbləğ olmayacaq. Amma etdiyi bu mədəniyyətsizlik yəqin ki, ictimai qınansa bəlkə başa düşə.
Qeyd edək ki, TŞ6-111 nömrəli təhlükəsizlik şəhər kamerası həmin ərazini çəkir. Hadisə isə paytaxtın İsmayıl Hidayətzadə küçəsi ilə Arif Heydərov küçəsinin kəsişməsində qeydə alınıb.
Avtosfer.az həmin görüntüləri təqdim edir:
Gununsesi.info
