Baltik ölkələrinə qarşı Rusiyadan gözlənilən “təcavüz kabusu” ola bilməz və bu geridə qaldı.
Gununsesi.info xəbər verir ki, bu fikri ABŞ-ın vitse-prezidenti Mayk Pens Baltikyanı ölkələrin prezidentləri ilə görüşündə deyib. “Amerikanınsesi” radiosunun verdiyi xəbər görə,
Estoniya, Latviya və Litva prezidentləri ilə görüşən Mayk Pens ABŞ-ın bundan sonra da Baltikyanı ölkələri dəstəkləyəcəyini bəyan edərək, artıq onlara Rusiyadan gözlənilən təhlükənin sovuşduğunu bəyan edib.
“Ən əsas məqam ondan ibarətdir ki, Rusiya güc yolu ilə demokratik suvern dövlətlərin beynəlxalq səviyyədə tanınan sərhədləri pozmağa cəhd edərək, azad Avropa ölkələrini bir-birinə qarşı qoyub parçalamağa çalışır”- deyə, ABŞ-ın vitse-prezidenti vurğulayıb.
O əlavə edib ki, ABŞ prezidenti Donald Tramp başda olmaqla Baltik ölkələrinə, həmçinin müttəfiqlərimizə qarşı hər hansı güc tətəbiq etmə hədəsi və təhdid cəhdlərini qətiyyətlə pisləyirik və buna imkan verməyəcəyik.
Mürtəza
Gununsesi.info
