Polşa F-16 qırıcılarını yalnız NATO ölkələri ilə tam koordinasiya şəraitində Ukraynaya təhvil verməyə hazırdır.
Gununsesi.info xəbər verir ki, bunu Polşanın baş naziri Mateuş Moravetski deyib.
“Bir neçə ay əvvəl MiQ kontekstində olduğu kimi hər hansı digər hava qüvvələri də NATO ölkələri ilə koordinasiya əsasında həyata keçiriləcək və yəqin ki, təhvil veriləcək. Biz burada tam koordinasiya ilə hərəkət edəcəyik”, – deyə o bildirib.
Ukrayna hakimiyyəti yeni hərbi yardımın birinci fazası çərçivəsində beynəlxalq müttəfiqlərdən 24 qırıcı təyyarə almağı gözləyir. “Politico”nun məlumatına görə, ABŞ rəsmiləri F-16 qırıcılarının Kiyevə təhvil verilməsinə çalışırlar. Ukrayna Silahlı Qüvvələri onlara 180-ə yaxın qırıcı təyyarə lazım olduğunu bildirib. Almaniya qırıcı təyyarələrin tədarükünü istisna edir. Britaniya, “The Telegraph” qəzetinin yazdığına görə, Rusiya qoşunlarının çıxarılması halında təyyarələri təhvil verə bilər. Eynilə Polşa müttəfiqlərlə tank tədarükünün koordinasiyasından bəhs edib.
Gununsesi.info
