İtaliyanın baş naziri Giorgia Meloni NATO Sammitində ABŞ prezidenti Co Baydeni digər liderlərlə birlikdə gözləyərkən gözlərini yumması sosial mediada dünya trendinə çevrilib.
Gununsesi.info xarici mediaya istinadən xəbər verir ki, ABŞ-ın paytaxtı Vaşinqtonda keçirilən NATO-nun 75-ci ildönümünə həsr olunmuş sammitə qatılan İtaliyanın baş naziri Giorgia Meloni sammitdəki sessiyadan əvvəl digər liderlərlə söhbət edərkən ABŞ prezidenti Co Baydenin gecikməsindən narazılığını nümayiş etdirib.
Baş nazirin gözlərini zillədiyi və buruşduğu o anlar kameralara tuş gəlib. Kameraların onu lentə aldığını anlayan Meloni üz ifadəsini düzəldərkən görüntülənib.
Meloninin bu görüntüləri sosial media kanallarında bir çox istifadəçi tərəfindən dəfələrlə paylaşılıb və ən çox şərh edilən məzmunlardan biri olub.
Bildirilir ki, Bayden, keçən ay İtaliyanın Borgo Eqnazia şəhərində G7 Dövrünün Prezidenti tərəfindən keçirilən G7 Liderlər Zirvəsinin əvvəlində digər liderləri, xüsusən də ev sahibi Meloni uzun müddət gözlədib.
İyunun 13-də G7 Zirvə Toplantısının ilk günü iclasların keçiriləcəyi obyektin girişində qonaqlarını bir-bir qarşılayan Meloni, Baydendən başqa bütün liderləri qısa fasilələrlə bir-bir içəri dəvət edib və sonuncu gələn Bayden tərəfindən 20 dəqiqə ayaqda qalıb.
Bu müddət ərzində cansıxıcı olduğunu göstərməməyə çalışan Meloni onunla gözləyən mətbuat mənsublarının selfi istəyini rədd etməyib və ağıllı telefonu ilə selfi çəkdirib.
Meloninin bu selfisi son zamanlar sosial mediada ən çox müzakirə edilən fotolardandır.
Şəbnəm
Gununsesi.info
