Meksikanın Verakrus ştatında başı kəsilmiş 5 nəfərin meyiti tapılıb.
Gununsesi.info-nun RİA Novosti agentliyinə istinadən verdiyi xəbərə görə, meyitlər Rodriqes-Klara və Nopaltepek yaşayış məntəqələri arasındakı yolda aşkarlanıb.
İlkin ehtimala görə, insidentə səbəb narkotik maddələrin satışı və tranziti ilə məşğul olan qruplar arasında baş verən münaqişə olub. Verakrus ştatında bir-biri ilə mübarizə aparan, ABŞ-a narkotiklərin tədarükü ilə məşğul olan iki narkokartel fəaliyyət göstərir.
Qeyd edək ki, bu ilin yanvarında Meksikanın Mansanilyo şəhərində (Kolima ştatı) avtomobildə başı kəsilmiş 6 kişi və 1 qadın meyiti tapılıb.
Gununsesi.info
