ABŞ prezidenti Co Bayden Ermənistanın baş naziri Nikol Paşinyana məktub göndərib. ABŞ prezidenti Co Bayden həmrəylik mesajı verərkən Qarabağda öldürülən erməni terrorçular üçün yas tutduqlarını bildirib.
Azərbaycan Silahlı Qüvvələrinin ötən həftə Qarabağda erməni separatçı qruplaşmalarına qarşı başlatdığı antiterror əməliyyatı 24 saat ərzində uğurla başa çatıb.
Əməliyyat çərçivəsində onlarla mövqe itirən erməni separatçıları Azərbaycan prezidenti İlham Əliyevin “Ağ bayraq qaldır” çağırışına tabe olaraq silahlarını yerə qoyub təslim olublar.
Gununsesi.info xəbər verir ki, Qarabağda növbəti dəfə sarsıdıcı zərbə alan və Rusiyadan gözlədiyi dəstəyi görməyən Ermənistana bu yaxınlarda hərbi təlimlər keçirdiyi ABŞ dəstək verib.
ABŞ prezidenti Co Bayden Qarabağdan çəkilməyə qərar verən Ermənistana məktub göndərib.
Bayden kabinetinin əsas üzvlərindən olan Samantha Pover ilə göndərdiyi məktubda həmrəylik mesajı verərkən, həyatını itirən ermənilər üçün yas tutduqlarını da bildirib.
Məktubda Paşinyana müraciət edən Bayden Ermənistanın ərazi bütövlüyü və sülhünə diqqət çəkərək deyib: “İstərdim ki, Birləşmiş Ştatlar və administrasiyam Ermənistanın suverenliyini, müstəqilliyini, ərazi bütövlüyünü və demokratiyanı qoruyan şərəfli və davamlı regional sülhə nail olmaq istəyinə öz güclü dəstəyini şəxsən sizə çatdırsın”.
Qarabağda öldürülən erməni terrorçular yas tutduğunu bildirən Bayden məktubunda bu ifadələrə yer verib:
“Müstəqillik gününüzü qeyd edərkən sizə və Ermənistan xalqına ən xoş arzularımı çatdırıram. Bu il biz bu qürurverici hadisəni qeyd edərkən Qarabağda son vaxtlar etnik ermənilərin həlak olması ilə bağlı yas tuturuq. Ölkənizdə demokratiyanızı gücləndirin və qonşuluğunuzda sabitlik axtarın, sizi əmin edə bilərəm ki, Amerika Birləşmiş Ştatlarının Ermənistanın yanında olmağa davam edəcəyik”.
Səid Əhmədli
Gununsesi.info
