Prezident Co Bayden Moldova prezidenti Maya Sandunu prezident seçkilərinin ikinci turunda qələbəsi münasibətilə təbrik edib və eyni zamanda isə Rusiyanın seçki prosesinə xələl gətirmək cəhdlərinin iflasa uğradığını bildirib.
Gununsesi.info xəbər verir ki, Ağ Evin rəhbəri Bayden açıqlamasında “Maya Sandu yenidən Moldova prezidenti seçilməsi münasibətilə təbrik edirəm” deyib.
“Bazar günü Moldova xalqı seçkiyə getdi və Prezident Sandunun təhlükəsiz, firavan və demokratik Moldova vizyonuna səs verdi. Prezident Sandunun yenidən seçilməsi Moldova xalqının Avropa İttifaqına üzvlük lehinə konstitusiya referendumunun keçirilməsindən cəmi iki həftə sonraya təsadüf edir”, – deyə prezident əlavə edib.
O cümlədən “Rusiya aylardır Moldovada demokratik təsisatları və seçki proseslərini pozmağa cəhd edib. Lakin Rusiya uğursuz oldu”, – Bayden vurğulayıb.
O, onu da deyib ki, “Moldova xalqı öz gələcəyini seçmək kimi demokratik hüququndan istifadə edib, Avropaya və bütün dünyada demokratiyaya yönəlmiş bir yol seçib”.
Qeyd edək ki, Sandu səslərin 55%-dən çoxunu, rəqibi Stoyanoqlo isə 45%-ni qazanıb və Sandunun qələbəsi Moldovanın avropapərəst istəklərinə təkan verir.
Bu arada Rusiya seçkiyə müdaxiləsi ilə bağlı iddaları rədd edir.
