Baydenin həkimi ABŞ prezidentinin səhhəti ilə bağlı narahatlıqlara cavab verib.
Gununsesi.info xəbər verir ki, Ağ Ev ABŞ prezidenti Co Baydenin hazırkı sağlamlıq vəziyyəti ilə bağlı hesabatı paylaşıb və onun vəzifəsini yerinə yetirməsinə heç bir maneənin olmadığını açıqlayıb.
Ağ Evin sözçüsü Karin Jan Pyerin yaydığı yazılı açıqlamada Baydenin həkimi tərəfindən təsdiqlənən və vəziyyətinin yaxşı olduğu bildirilən hesabatın məzmunu yer alıb. Baydenin həkimi Kevin O’Konnorun 81 yaşlı prezidentin illik müayinəsi ilə bağlı hesabatında onun səhhəti ilə bağlı “yeni narahatlıq” olmadığı paylaşılıb.
“Prezident özünü yaxşı hiss edir və builki fiziki müayinə zamanı heç bir yeni narahatlıq müəyyən edilmədi. O, heç bir istisna və ya yerləşdirmə olmadan bütün vəzifələrini yerinə yetirir”, – O’Konnorun hesabatında deyilir.
“Prezident Bayden 81 yaşlı, sağlam, aktiv, güclü insandır. O, baş icraçı direktor, dövlət başçısı və baş komandan kimi prezidentlik vəzifələrini uğurla yerinə yetirmək üçün yaxşı formadadır”, – deyə qeyd edilib. Baydenin ürək ritmindən xolesterin dəyərlərinə qədər hər cür ətraflı məlumatın yer aldığı hesabatda ABŞ prezidentinin yuxu apnesinin sabit qaldığı ifadə edilib.
Baydenin səhhəti ilə bağlı məlumatlar noyabrda keçiriləcək prezident seçkilərindən əvvəl gəlib, onun səhhəti və yaşı ilə bağlı müzakirələr davam edir.
Fevralın 9-10-da “ABC News/Ipsos” tərəfindən keçirilən sorğuda iştirakçıların 86 faizi 81 yaşlı Baydeni ikinci müddətə prezident olmaq üçün “çox qoca” hesab etdiklərini bildiriblər.
Gununsesi.info
