Belarus Prezidenti Aleksandr Lukaşenko bu ölkənin İspaniyadakı fövqəladə və səlahiyyətli səfiri Pavel Pustovoyu vəzifəsindən azad edib.
Gununsesi.info “RİA Novosti”yə istinadən xəbər verir ki, bu barədə Belarus prezidentinin mətbuat xidmətinin məlumatında deyilir:
“Pavel Pustovoy vəzifəsini layiqincə yerinə yetirmədiyinə görə birinci dərəcəli fövqəladə və səlahiyyətli səfir diplomatik rütbəsindən məhrum edilir. Pustovoy Belarus Respublikasının İspaniya Krallığındakı səfir vəzifəsindən, eləcə də Belarusun Beynəlxalq Turizm Təşkilatındakı daimi nümayəndəsi vəzifələrindən azad edilir”.
Qeyd edək ki, Pustovoy bundan əvvəl “Facebook” səhifəsində Belarusdakı vəziyyətin sülhlə həlli üçün prezident seçkilərinin səsvermə nəticələrinin yenidən saymaq lazım olduğunu yazmışdı.
Gununsesi.info
