Biləsuvar rayonunda yanğın hadisəsi olub.
Gununsesi.info xəbər verir ki, hadisə rayonun Bağbanlar kəndində baş verib.
Belə ki, kənd sakini Əhmədov Fərzəli Ağamməd oğluna məxsus həyətyanı sahədə yerləşən tikili alovlanıb.
Biləsuvar rayon yanğından mühafizə bölməsinin əməkdaşlarının vaxtında müdaxiləsi ilə yanğının genişlənməsinin qarşısı alınıb.
Ümumi sahəsi 90 m2 olan yardımçı tikilinin 6 m2 çardaq hissəsi və burada saxlanılan 750 kq ot kipinin 250 kq-ı yanıb.
Hadisə nəticəsində xəsarət alan olmayıb.
Faktla bağlı araşdırma aparılır.
Gununsesi.info
