Türkiyənin yeni baş naziri Binəli Yıldırımın iyunun 3-4-də Azərbaycana nəzərdə tutulan səfər proqramı müəyyənləşib. Bu barədə Gununsesi-info-ya Türkiyənin Azərbaycandakı səfirliyindən məlumat verilib. Səfirlikdən bildirildi ki, Türkiyənin baş naziri Binəli Yldırım iyunun 3-də günortaya yaxın Azərbaycana gələcək.”İlk olaraq baş nazir hava limanından namaza yollanacaq. Namazdan sonra Azərbaycan prezidenti İlham Əliyev, baş nazir Artur Rəsizadə və Milli Məclisin sədri Oqtay Əsədovla görüşəcək”. Bundan sonra baş nazir B. Yıldırım Türk hava yollarının yaradılmasının 25 illiyə ilə təşkil olunmuş toplantısında iştirak edəcək. Baş nazir türk iş adamları ilə də bir araya gəlib müzakirələr aparacaq. İyunun 4-də səhər saatlarında baş nazir Binəli Yıldırım Fəxtri xiyabanda H. Əliyevin məzarını və Şəhidlər Xiyabanını, türk məzarlığını ziyarət etdikdən sonra Ankara dönəcək. Türkiyənin yeni baş naziri Bakıda keçirdiyi görüşləırdə iki ölkə arasında bundan sonra da ikitərəfli əlaqələrin daha da dərinləşdirilməsi, başlanılan birgə layihələrin icra vəziyyəti və işlərin gedişi, regional əməkdaşlığın gələcək inkişaf perspektivləri, bölgədəki geosiyasi və geoiqtisadi durum, Ermənistan-Azərbaycan münaqişəsinin həlli istiqamətindəki son durum müzakirə olunacaq.
Gununsesi-info
