İngiltərənin paytaxtı Londonun simvoluna çevrilmiş “Biq Ben” saat qülləsi binası bu gün yerli vaxtla 12:00-da (Bakı vaxtı ilə 15:00-da) təmir və yenidənqurma ilə əlaqədar bağlanıb.
“Qafqazinfo” xarici KİV-ə istinadən xəbər verir ki, bu gün sonuncu dəfə zəng çalan saat, təmirdən sonra 2021-ci ildə yenidən fəaliyyətə başlayacaq.
Hökumətdən bildirilib ki, bina təmirə bağlanmış olsa da, Yeni il günlərində və xüsusi anım tədbirlərində saat yenidən zəng çalacaq.
Binanın təmirinə 30 min funt-sterlinq xərclənəcəyi bildirilir. Təmir saatın mexanizmasının pozulmasının qarşısını almaq, qüllənin təhlükəsizliyini artırmaq və müasirləşdirmək məqsədilə aparılacaq.
Qeyd edək ki, qüllə 1858-ci ildə tikilib. Qüllədəki saat isə 11 iyul 1859-cu ildə işə salınıb. Qüllənin hündürlüyü 61 metrdir. Saat yerdən 55 m hündürlükdədir. Siferblatının diametri 7 m, əqrəblərinin uzunluğu 2,7 və 4,2 m-dir.
Gununsesi.info
