Bizim ölkədə məmur sənətçidən daha hörmətlidir - Sevda Ələkbərzadə

  • By admin
  • 23 Sentyabr 2019 16:54

“Elina Hacıyevanın ölümü cəmiyyətin günahıdır”

“Bizim ölkədə kim daha hörmətlidir, məmur, yoxsa sənət sahibi? Təbii ki, məmur. Amma belə olmamalıdır. Sənətkar öndə olmalıdır”.

Bu fikirləri əməkdar artist Sevda Ələkbərzadə Murad Arifin “YouTube” layihəsi “Popumuz var”da səsləndirib:

“Məsələn, 60-cı illərdə kimin deputat, kiminsə nazir olması heç kimin yadında deyil. Amma yazıçı, aktyor, rejissor, musiqiçi və sənətkarlarını tanıyırsan, bilirsən. Çünki sənəti onlar yaşadır”.

İfaçı 14 yaşlı Elina Hacıyevanın intiharından və orta məktəblərdəki təklənməyə, psixoloji basqıya da münasibətini bildirib:

“Əgər adamın yoxdursa, səni incitməlidirlər, bu günə qalmalısan? Gərək adamın ola? Kimliyindən asılı olmayaraq, insan insandır. Elina Hacıyevanın ölümü cəmiyyətin günahıdır. Cəmiyyət başqa fikirdədir. Adamın telefonuna, mindiyi maşına görə hörmət edib, qarşılayırlar. Bunun qarşısını almaq üçün mən bacardığımı edirəm. Səviyyəli musiqi oxuyuram, kütlənin arxasınca getmirəm. Sənət üçün çalışıram. İnsan özünü mütləq tərbiyə etməlidir.

Təklənmək mənim də başıma gəlib. Sınmamışam, belə məsələlərdə zəif deyiləm. Məni qıra bilməyiblər, həmişə sözümü deyə bilmişəm”.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.