Blinken və Lavrov arasında telefon danışığı olub

  • By admin
  • 18 Yanvar 2022 18:56

ABŞ dövlət katibi Entoni Blinken və Rusiya xarici işlər naziri Sergey Lavrov arasında telefon danışığı olub.

Gununsesi.info-nun ABŞ Dövlət Departamentinə istinadən verdiyi xəbərə görə, bu barədə Dövlət Departamentinin sözçüsü Ned Prays bildirib.

HTML tutorial

Onun sözlərinə görə, tərəflər yanvarın 10-da Cenevrədə keçirilən Strateji Sabitlik Dialoqu, yanvarın 12-də Brüsseldə keçirilən NATO-Rusiya Şurası və yanvarın 13-də Vyanda ATƏT-in Daimi Şurasının iclasları müzakirə ediblər.

ABŞ dövlət katibi Rusiya ordusunun Ukrayna sərhədləri yaxınlığında olması fonunda gərginliyi azaltmaq üçün diplomatik yolun davam etdirilməsinin vacibliyini vurğulayıb.

Entoni Blinken ABŞ-ın Ukraynanın suverenliyi və ərazi bütövlüyü ilə bağlı sarsılmaz öhdəliyini təkrar edib və vurğulayıb ki, Avropanın təhlükəsizliyi ilə bağlı istənilən müzakirədə NATO müttəfiqləri və Avropadan tərəfdaşlar, həmçinin Ukrayna iştirak etməlidir.

 

 

Gununsesi.info