Oktyabrın 7-dən bəri İsrailin hücumları nəticəsində Qəzzada öldürülən uşaqların sayının son 4 ildə dünya üzrə müharibələrdə ölən uşaqların ümumi sayından çoxdur.
Gununsesi.info xəbər verir ki, bu barədə BMT-nin Fələstinli Qaçqınlara Yardım və İşlər üzrə Agentliyinin (UNRWA) baş komissarı Filip Lazzarini bildirib.
O, X sosial şəbəkəsindəki səhifəsində İsrailin Qəzzaya hücumları nəticəsində ölən uşaqlardan danışıb.
Lazzarini İsrailin Qəzzada qətlə yetirdiyi uşaqlarla bağlı statistikanı “şok edici” adlandırıb.
UNRWA-nın baş komissarı Lazzarini də BMT və Fələstin Səhiyyə Nazirliyinin Qəzzadakı məlumatlarından istifadə etməklə hazırlanmış, 7 oktyabr – 29 fevral tarixləri arasında Qəzzada öldürülən uşaqların sayını və keçmişdəki müharibələrdə ölən uşaqların sayını göstərən bir qrafik təqdim edib.
Qrafikdə son 4 ildə müharibələrdə öldürülən uşaqların sayı 12.193, Qəzzada öldürülən uşaqların sayı isə 12.300-ü keçib.
Lazzarini Qəzzanın uşaqları naminə dərhal atəşkəsə çağırıb.
Gununsesi.info
