BMT-nin sözçüsü Stefan Düjarrik gündəlik mətbuat konfransında açıqlama verib.
Gununsesi.info xəbər verir ki, o, Birləşmiş Millətlər Təşkilatının (BMT) baş katibi Antonio Quterresin İsrailin Cebaliya qaçqın düşərgəsinə endirdiyi hava hücumundan şoka düşdüyünü və dinc sakinlərin öldürülməsini qətiyyətlə pislədiyini bildirib.
BMT-nin baş katibi Quterreşin tərəfləri bir daha beynəlxalq hüquq və beynəlxalq humanitar hüquqa riayət etməyə çağırdığını bildirən Düjarrik, mütənasiblik və ehtiyatlılıq prinsiplərinə hörmət edilməsinin vacibliyini bildirib.
“Baş katib mülki şəxslərin öldürülməsini qətiyyətlə pisləyir” deyən Dujarrik tərəfləri zorakılığı dayandırmağa çağırıb.
“Baş katib Qəzzada gərginliyin artması və İsrailin qadınların və uşaqların da olduğu fələstinlilərin sıx məskunlaşdığı Cebaliya qaçqın düşərgəsinin yaşayış məntəqələrinə hücumu nəticəsində dəhşətə gəlir”, – deyən Dujarrik, Quterreşin bütün girovların azad edilməsi və humanitar yardımın daha asan çatdırılmasıtələbini təkrarlayıb.
Qəzzanın səhiyyə nazirliyi bildirib ki, dünən İsrail döyüş təyyarələri Qəzza zolağının şimalındakı Cəbaliya qaçqın düşərgəsini vurub.
Nazirliyin məlumatında deyilir ki, ilkin məlumatlara görə, hücum nəticəsində 100 nəfər həlak olub və düşərgənin mülki yaşayış məntəqələrindən biri olan 6-cı məhəllə tamamilə məhv edilib.
Gununsesi.info
