Böyük Britaniyanın baş naziri Tereza Mey 2017-ci ilin iyununda ölkədə növbədənkənar parlament seçkiləri keçirilməsi ilə bağlı mövqeyini açıqlayıb.
Gununsesi.info BBC-yə istinadən xəbər verir ki, baş nazir T. Mey 2020-ci ilədək parlament seçkilərinin keçirilməməsi ilə bağlı qərarını dəyişib.
Baş nazir bunun səbəbini Brexitin prosedur qaydasının tətbiqi ilə bağlı hökumətdə yaranacaq müəyyən poblemlərlə izah edib. Baş nazir hesab edir ki, növbədənkənar parlament seçkiləri hökumətə olan inamla bağlı tərəddüdlərə və mübahisələrə son qoymaqla yanaşı, partiya daxilində yaranmış duruma da aydınlıq gətirəcək.
Bütün bunları nəzərə alan Böyük Britanaiyanın baş naziri 2017-ci ilin iyun ayının 8-nə növbədənkənar parlament seçkilərinin keçirilməsini elan edib.
Baş nazirin fikrincə, növbədənkənar parlament seçkiləri Böyük Britaniyanın Avropa Birliyindən çıxaması ilə bağlı həyata keçrilən prosedur qaydaları həyata keçirməkdə hökumətin vahid mövqedən çıxış etməsinə öz müsbət təsirini göstərəcək:
“Növbədənkənar parlament seçkiləri ölkədə bu məsələ ilə bağlı sabitliyi təmin edəcək”.
Baş nazirin bu qərarı isə hamı üçün gözlənilməz olub.
Çünki bundan öncə baş nazir dəfələrlə 2020-ci ildən tez parlament seçkilərinin keçirilməməsi ilə bağlı bəyanatlar vermişdi.
Mürtəza
Gununsesi.info
