Böyük Britaniyanın Avropa məsələləri üzrə naziri Leo Dokerti Cənubi Qafqaz ölkələrinə səfər edəcək.
Gununsesi.info erməni mətbuatına istinadən xəbər verir ki, bu barədə Böyük Britaniyanın Ermənistandakı səfirliyi məlumat yayıb.
Məlumata görə, Dokerti səfər zamanı üç ölkənin suverenliyi və təhlükəsizliyinə dəstəyini ifadə edəcək. O, uzunmüddətli sülh və sabitliyə nail olmaq üçün Ermənistan və Azərbaycan arasında birbaşa danışıqlara ehtiyac olduğunu qeyd edəcək.
Dokerti regiona üçüncü səfəri zamanı Ermənistan və Gürcüstanda demokratik islahatları və Azərbaycanın bərpa olunan enerjiyə keçidinin təşviqini müzakirə edəcək.
“Rusiyanın cənub sərhəddində yerləşən region münaqişələrin nəticələrindən qurtularkən və demokratik yolla seçilmiş azadlıq və müstəqillik yolunun xeyrinə islahat gündəmlərini irəlilətməyə çalışmaqla yanaşı, xarici müdaxilələrə qarşı həssas olaraq qalmaqda davam edir”, – deyə məlumatda bildirilir.
Gununsesi.info
