Böyük Britaniya 8000-ə yaxın hərbçini, həmçinin onlarla tank və 100-dən çox zirehli döyüş maşınını hərbi təlimlərdə iştirak etmək üçün Şərqi Avropaya göndərməyi planlaşdırır.
Gununsesi.info xəbər verir ki, təlimlərə həmçinin Danimarka, İslandiya və Norveç kimi ölkələrin daxil olduğu NATO ölkələrindən və Müttəfiqlərin Birgə Ekspedisiya Qüvvələrindən on minlərlə hərbçi cəlb olunacaq.
Bildirilib ki, qoşunlar Finlandiyadan Şimali Makedoniyaya qədər olan ölkələrdə yerləşdiriləcək.
Britaniya Müdafiə Nazirliyinin məlumatına görə, planlaşdırılan təlimlər qoşunların “bir-biri ilə çiyin-çiyinə fəaliyyət göstərmək, Rusiyanın Skandinaviya və Baltikyanı ölkələrdəki təcavüzünün qarşısını almaq” qabiliyyətini təkmilləşdirəcək.
Britaniyanın müdafiə naziri Ben Uolles deyib ki, təlim “həmrəylik və güc” nümayiş etdirəcək.
“Avropanın təhlükəsizliyi heç vaxt bu qədər vacib olmamışdı. Bu təlimdə qoşunlarımız “Soyuq müharibə”dən bəri ən böyük birgə yerləşdirmələrdən birində həmrəylik üçün NATO müttəfiqləri və tərəfdaşları və Birgə Ekspedisiya Qüvvəsi ilə birləşəcək. Avropada fəaliyyət göstərən Britaniya ordusu tərəfdaşlarla yan-yana dayanacaq, imkanlarımızı və ümumi dəyərlərimizi bir araya gətirərək, sülh və təhlükəsizliyə töhfə verəcək” – nazir qeyd edib.
Gununsesi.info
