Britaniya baş nazirinin partiya üzvləri arasında reytinqi rekord səviyyədə aşağı düşdü

  • By admin
  • 05 Dekabr 2023 09:23

Böyük Britaniyanın baş naziri Rishi Sunakın Mühafizəkarlar Partiyasının fəalları arasında bəyənmə reytinqi mənfi 25 faiz bəndinə çatıb ki, bu da 2022-ci ilin payızında səlahiyyətlərinin başlanmasından bəri ən aşağı göstəricidir.

Gununsesi.info xəbər verir ki, bu barədə “The Times” məlumat yayıb.

Britaniyalı Mühafizəkar fəalları əhatə edən “Conservative Home” saytının sorğusuu Sunakın təsdiq reytinqinin artı 26 faiz bəndində olduğu oktyabrdan bəri kəskin şəkildə düşdüyünü göstərib.

Britaniya baş nazirinin partiyasının tərəfdarları arasında bəyənilməsinə noyabrda Mühafizəkarların qurultayında uğursuz çıxış, eləcə də Ali Məhkəmənin əngəllədiyi Ruandaya sığınacaq axtaranların çıxarılması mexanizminin uğursuzluğu təsir edib.

Mühafizəkar “Conservative Home” saytının redaktoru Pol Qudman Sunakın bəyənmə reytinqini “dəhşətli” olaraq xarakterizə edərək, “hökumət üçün hər bir yaxşı xəbərin son bir ayda pis xəbərlərlə izləndiyini” söyləyərək, hökumətin “qorxunc bir çuxurda” olduğunu göstərdiyini bildirib.

Hazırkı baş nazirin reytinqi Tereza Meyinki (mənfi 51) qədər pis olmasa da, 2019-cu ildə hökumət başçısı seçildikdən dərhal sonra Boris Consonun rekordu ilə (plus 92) ziddiyyət təşkil edir.

İyul ayında hazırkı baş nazir Rişi Sunakın bütün britaniyalılar arasında reytinqi də Britaniyanın baş naziri təyin edildikdən sonra ən aşağı səviyyəyə düşüb.

2025-ci ilin yanvarından əvvəl keçiriləcək növbəti ümumi seçkiyə hazırlıq fonunda Mühafizəkarlar Partiyası da seçkilərdə aşağı dəstəyə malikdir.

Gununsesi.info