Böyük Britaniyanın Müdafiə Kəşfiyyatı Birliyi Ukraynaya genişmiqyaslı işğalın başlanmasından bəri Rusiyanın ən nüfuzlu hava desant alaylarından birinin komandirlərinin nisbətən sürətli dəyişmə tempinə diqqət çəkib.
Gununsesi.info xəbər verir ki, şənbə günü yayılan kəşfiyyat hesabatında deyilir.
Söhbət Rusiya Silahlı Qüvvələrinin 247-ci Qvardiya Hava Hücum Alayından gedir. Onun son komandiri, polkovnik Vasili Popov, ehtimal ki, 2023-cü ilin sentyabr ayının əvvəlində Orexovski istiqamətində ölüb.
Cəmi bir neçə həftə əvvəl – 2023-cü ilin avqustunda onun sələfi polkovnik Petr Popov istefa verib.
Britaniya kəşfiyyatı Putinin fərmanının ildönümündə səfərbərliyə görə Rusiyanın əsas problemlərini açıqlayıb.
“Müstəqil Rusiya mediası iddia edir ki, o, bunu ordunun ölən rusların cəsədlərini qaytarmamasına etiraz olaraq edib”, – Britaniya kəşfiyyatının hesabatında deyilir.
Bundan əlavə, xatırladılır ki, Nikolayev yaxınlığında işğalın ilk həftələrində 247-ci alayın o vaxtkı komandiri, polkovnik Konstantin Zizevski ölüb.
“247-ci alayın təcrübəsi Ukraynada yerləşdirilən Rusiya hərbi qüvvələrində, hətta nisbətən yüksək rütbəli zabitlər arasında da həddindən artıq köhnəlmə və yüksək kadr dövriyyəsini vurğulayır”, – deyə hesabat yekunlaşır.
Bundan əvvəl Britaniya kəşfiyyatı Rusiya Federasiyasının qeyri-müdafiə sənayesində müharibə ilə əlaqədar işçi qüvvəsi çatışmazlığından və Rusiya Federasiyasının itkiləri ödəmək üçün Orta Asiyadan müharibəyə gedən miqrantları cəlb etdiyindən danışıb.
Səid Əhmədli
Gununsesi.info
