1970-ci ildən bəri vəhşi təbiət populyasiyaları 73 faiz azalıb və kritik səviyyəyə yaxınlaşır.
Gununsesi.info xəbər verir ki, bu barədə London Zooloji Cəmiyyəti (ZSL) məlumat yayıb.
Təşkilat 1970-ci ildən 2020-ci ilə qədər təxminən 5,5 min növ vəhşi heyvanın populyasiyasının vəziyyətini təhlil edib.
Vəziyyətin ən pis Karib hövzəsi və Latın Amerikasında olduğu bildirilir, burada vəhşi təbiət populyasiyaları son 50 ildə 95 faiz azalıb.
Daha sonra Afrika (76 faiz), Asiya və Sakit okean (60 faiz), Şimali Amerika (39 faiz) və Avropa (35 faiz) gəlir.
ZSL-in rəhbəri Metyu Quldun sözlərinə görə, vəhşi heyvanların sayının belə azalması təbii müxtəlifliyin məhvi təhlükəsi yaradan kritik həddə yaxınlaşdığımızdan xəbər verir.
Daha əvvəl bildirilmişdi ki, Mərkəzi və Cənubi Amerikada yaşayan tənbəllər iqlim dəyişikliyi səbəbindən nəsli kəsilmək təhlükəsi ilə üzləşə bilər.
2100-cü ilə qədər temperaturun 2 ilə 6 dərəcə Selsi arasında yüksələcəyi proqnozlaşdırılan alp tənbəlləri enerji emal etmək qabiliyyətinin məhdud olması səbəbindən ciddi metabolik gərginliklə üzləşə bilər.
