BŞTİ-dən müəllimlərə, şagirdlərə və valideynlərə ÇAĞIRIŞ

  • By admin
  • 17 May 2021 09:37

“Bakı Şəhəri üzrə Təhsil İdarəsinin (BŞTİ) tabeliyindəki ümumi təhsil müəssisələri üzrə V-IX siniflərdə 199 694, xüsusi məktəblərdə 1 845 nəfər təhsil alır”.

Gununsesi.info xəbər verir ki, bunu Report.az-a açıqlamasında idarənin müdir müavini Xəyalə Əhmədzadə deyib.

Onun sözlərinə görə, həmçinin ümumi təhsil müəssisələrinin I-IV siniflərində 182 018 şagird oxuyur.

İdarə rəsmisi bildirib ki, məktəbəhazırlıq qruplarına isə 27 122 uşaq cəlb olunub: “Yəni, artıq paytaxt məktəblərində ümumilikdə 410 000-dən artıq təhsilalanın və təxminən 25 000-dən çox təhsilverənin əyani tədrisə qismən cəlb olunmasından söhbət gedir. Bu da təbii ki, küçələrdə, nəqliyyatda müəyyən sıxlıqla müşaiyət oluna bilər. Bu baxımdan müəllimlər, valideynlər və şagirdlər diqqətli olmalı, özlərini evdən və məktəbdən kənarda da daha etibarlı qorumalıdırlar”.

Gununsesi.info