Bu evləri almayın! - VİDEO

  • By admin
  • 20 İyun 2016 12:19

Sosial Evlerrr

 

Mənzil alarkən sənədi olsa belə bəzi məqamlara diqqət edilməməsi ciddi problemlərin yaranmasına səbəb ola bilər. Mütəxəssislərin mənzil sahibi olmaq istəyənlərə tövsiyələri var.

 

Bir çoxları elə düşünür ki, sənədi olan evi alırsansa, deməli mənzillə bağlı hüquqi problem ortaya çıxa bilməz. Ancaq ekspertlər bildirir ki, sənədli ev almaq hələ heç də bütün problemlərin sonu demək deyil. Mütəxəssislər mənzil alarkən sənədi olsa belə insanları bəzi evlərin alışından yan keçməyi tövsiyə edirlər. Bunlardan biri etibarnamə ilə satılan evlərdir.

 

Alışından sonra problemlərə səbəb olacaq mənzillərdən biri də girov kimi qoyulan evlərdir. Bu evləri alan zaman vətəndaşlar hüquqi prosedurların ardıcıllıqla icra edilməsinə xüsusi diqqət etməlidirlər.

 

Bir zamanlar mənzili özəlləşdirməkdən imtina edən şəxsin qeydiyyatda olduğu evi almaq da problemlərə səbəb ola bilər. Çünki, özəlləşdirilməyən mənzillərdə kirayə yaşayanlar həmin mənzildə daimi yaşamaq hüququna sahibdirlər.

 

Ümumilikdə isə vəkil Xəyal Bəşirov bildirir ki, problemli mənzilləri aşkar etməyin ən yaxşı yolu həmin evin olduğu ərazidə qiymət fərqinə diqqət etməkdir. Eyni ərazidə, eyni sahəsi və şəraiti olan evlər arasında qiymət fərqi böyük olduqda, mütləq həmin mənzilin sənədlərini çox diqqətlə nəzərdən keçirmək vacibdir.