Türkiyədə zəlzələ baş verib.
Gununsesi.info xəbər verir ki, Mərmərə dənizinin Çinarcık sahillərində baş verən 4,1 bal gücündə zəlzələ İstanbulda da hiss olunub.
Təbii Fəlakətlər və Fövqəladə Halların İdarə Olunması Agentliyinin (AFAD) saytında yerləşdirilən məlumata görə, Mərmərə dənizində yerli vaxtla saat 23.53-də 4,1 bal gücündə zəlzələ baş verib.
Zəlzələ Mərmərə dənizində, sahildən 8,52 kilometr aralıda, 11,18 kilometr dərinlikdə baş verib.
İstanbul valiliyinin açıqlamasında zəlzələnin İstanbulda da hiss olunduğu bildirilib. Bu günə qədər dağıntılar barədə məlumat verilməyib.
Açıqlamada deyilir ki, AFAD və ona bağlı bölmələr vəziyyəti yerində qiymətləndirməyə davam edir.
Gununsesi.info
