Bu gün Rusiya Ukrayna ərazilərini “rəsmi şəkildə” tərkibinə qatacaq

Bu gün, sentyabrın 30-da, Bakı vaxtı ilə saat 16:00-da Kremldə qondarma Donetsk və Luqansk Xalq Respublikalarının, həmçinin Zaporojye və Xerson vilayətlərinin “Rusiya Federasiyasının tərkibinə daxil olmasına dair” sazişlərin imzalanması mərasimi keçiriləcək.

Gununsesi.info xəbər verir ki, bu barədə Rusiya Prezidentinin mətbuat katibi Dmitri Peskov məlumat verib.

HTML tutorial

“Kreml sarayında, Georgiyevski zalında, saat 16:00-da (Bakı vaxtı ilə – red.) Rusiya Federasiyasına yeni ərazilərin daxil olmasına dair sazişlərin imzalanması mərasimi keçiriləcək”, – Peskov bildirib.

O, Kremldə keçiriləcək mərasimdə dörd yeni ərazinin “Rusiya Federasiyasına qəbul olunacağını” dəqiqləşdirib:

“Hər dördü, referendum keçirmiş və Rusiya tərəfinə müvafiq müraciət etmiş bütün ərazilər”.

Peskov əlavə edib ki, Putin mərasim çərçivəsində Kremldə “Donetsk Xalq Respublikası”, “Luqansk Xalq Respublikası”, Zaporojye və Xerson vilayətlərinin rəhbərləri ilə də görüşəcək.

Gununsesi.info