Çoxları düşünə bilər ki, həbsxanadan qaçmaq fikri sadəcə maraqlı bir film ssenarisidir. Ancaq bəzi ölkələrdə bu, həqiqətən mümkündür və bəzi şərtlər altında cəzasızdır! Həbsxanadan qaçmağa qərar versəniz, bəzi ölkələrdə yalnız qaçış prosesində başqa cinayətlər törətmədiyiniz təqdirdə cəzalandırılmayacaqsınız.
Gununsesi.info xarici mediaya istinadən xəbər verir ki, məsələn, Almaniyada da bu hal baş verə bilər.
Belə ki, Almaniyanın həbsdən qaçmaq üçün çox maraqlı yanaşması var. 1800-cü illərdən bəri qüvvədə olan əsas qanun insanların təbii “azad olmaq həvəsinə” mane olmağı əxlaqsızlıq hesab edir.
Ona görə də məhbuslar başqa cinayət törətməmək şərti ilə həbsxanadan qaça bilərlər. Lakin qaçan məhbuslar yaxalanırsa, onlar daha təhlükəsiz həbsxanaya yerləşdirilir.
O cümlədən Meksikada da bu hal ilə üzləşmək mümkündür. Almaniyada olduğu kimi burada da Federal Cinayət Məcəlləsinə əsasən, məhbus həbsxanadan qaçarkən başqa bir cinayət törətməzsə, cəzalandırılmır. Lakin qaçarkən başqaları ilə əməkdaşlıq edərsə və ya başqa cinayətlər edərsə, cəzalandırıla bilər.
Lakin eyni halın, yəni ki, qaçmaq fürsətindən yararlana bilməmək bəzi ölkələrdə pis qəbul edilir.
Məsələn, Hollandiyada məhbusun fürsət olduğu halda qaça bilməməsi özünü cəzalandırmaq hesab edilir. Məhbus qaçmaq şansından istifadə etməyəndə bu neqativ davranış sayılır və cəzalandırılmır. Burada yanaşma bir növ fürsətdən istifadə etmək kimi qiymətləndirilir.
Adıçəkilən ölkələrdəki xüsuslar İsveçə də aiddir:
İsveç həbsxanadan qaçmağı qanuniləşdirən başqa bir ölkədir. Lakin burada mühüm bir qayda var: qaçarkən başqa qanunlar pozulmazsa, qaçış “zərərsiz” sayılır və məhbus cəzalandırılmır. Bundan əlavə, bu hərəkət özünü “zənginləşdirmə” və ya azadlığın hansısa forması üçün bir fürsət kimi qəbul edilir.
Avstriya, Belçika və Çilini də siyahıya əlavə etmək olar.
Bu ölkələrdə həbsxanadan qaçan məhbuslar qaçış zamanı başqa cinayət törətməyincə cəzalandırılmırlar. Bu ölkələrin hüquq sistemi məhbusların fitri azadlıq instinktinə hörmətlə yanaşır.
Orxan Saffari
