Hava Limanı-Mərdəkan-Zağulba avtomobil yolunun 3-cü kilometrində yeni yerüstü piyada keçidinin tikintisi ilə əlaqədar olaraq avqustun 15-i saat 22:00-dan avqustun 16-sı 01:00-dək qeyd olunan hissədə avtonəqliyyat vasitələrinin hərəkəti işlərin aparıldığı zolaqlar üzrə hissə-hissə qismən məhdudlaşdırılacaq. Bu zaman yol bağlanmır.
Bu barədə Gununsesi.info-ya Azərbaycan Avtomobil Yolları Dövlət Agentliyindən bildirilib.
Sürücülərdən qeyd olunan saatlarda sözügedən ərazidə yol hərəkəti qaydalarına və müvəqqəti yol nişanlarının tələblərinə riayət etmələri xahiş olunur.
Gununsesi.info
