Cənubi Afrika Respublikasında (CAR) avtobus qəzası qeydə alınıb.
Gununsesi.info bu barədə xarici KİV-ə istinadən xəbər verir.
Məlumata görə, Mokopane və Marken arasındakı dağ keçidində avtobus idarəetmədən çıxaraq aşıb. Bundan sonra isə yanıb. Hadisə nəticəsində azı 45 nəfər ölüb.
CAR-ın nəqliyyat naziri Sindisive Çikunqanın sözlərinə görə, zəvvarları daşıyan avtobusun qəzaya uğraması nəticəsində yalnız səkkiz yaşlı bir qız sağ qalıb və xəstəxanaya aparılıb. Daha bir qadın xəstəxanaya aparılarkən yolda dünyasını dəyişib.
Gununsesi.info
