Çavuşoğludan “İncirlik” təkzibi: “Belə bir ifadəm olmayıb”

  • By admin
  • 04 İyul 2016 16:37

 

 

cavuska

 

“Türkiyə İŞİD-ə qarşı mübarizədə Rusiya ilə əməkdaşlığa hazırdır, lakin Rusiyanın İncirlik hava bazasından istifadə etməsi mövzusu müzakirə olunmayıb”.

Günunsesi.info Türkiyənin  “Hürriyet” qəzetinə istinadən xəbərə verir ki, bu sözləri Türkiyənin xarici işlər naziri Mövlud Çavuşoğlu deyib. M. Çavuşoğlu bu gün baş nazir Binəli Yıldırımla birlikdə keçirdiyi mətbuat konfransında Rusiyanın İncirlik hərbi bazasından istifadəsi ilə bağlı hər hansı bəyanat vermədiyini söyləyib.O, belə bir   ifadəsi olmadığını deyib. “Hər kəslə əməkdaşlıq edə biləcəyimizi demişik. Mən sadəcə, prezidentimizin Putinə daha əvvəl dediyi “İŞİD-dən narahatsınızsa, gəlin, birlikdə mübarizə aparaq” sözünü xatırlatmışam. Bundan sonrakı mərhələdə Rusiya ilə əməkdaşlıq edə biləcəyimizi söylədik. İncirlik hava bazası ilə bağlı sözüm olmayıb”-deyə,o, sözlərinə əlavə edib

Gününsesi.info