Anadolu rok musiqisinin əfsanəvi adı Cem Karacanın həyatından bəhs edən “Cem Karacanın göz yaşları” filmi nümayişdən çıxarılıb.
Gununsesi.info xəbər verir ki, Cem Karacanın sonuncu həyat yoldaşı İlkim Karaca “Cem Karacanın göz yaşları” filminin yayımının dayandırılması üçün məhkəməyə müraciət edib. İlkim Karacanın 3,5 milyon TL-lik təminatı məhkəməyə verəcəyi təqdirdə, filmin nümayişinin dayandırılmasına qərar verilib.
Bu qərardan sonra Cem Karacanın Feride Balkandan olan oğlu Emrah Karaca mətbuat konfransı keçirib.
“Atamın əsərlərinin hüquqlarının 3/4-ü mənə məxsusdur. Bu şəxs 2018-ci ildə hüquqlarının 1/4-ni bir musiqi şirkətinə satıb. Buna baxmayaraq prodüserlərimiz onunla görüşüb, lakin 16 milyon TL tələbi qəbul olunmayınca aqressivləşib. Ehtiyat tədbiri olaraq 90 milyon büdcə ilə həyata keçirilən bu layihəyə bu şəxs 3,5 milyon TL sərmayə qoysa, film nümayişdən çıxarılacaq. Bu təminat hansı zərəri qarşılayacaq?” – oğlu bildirib.
Gununsesi.info
