Çempionlar Liqasının həlledici mərhələlərinin püşkü atılıb

Çempionlar Liqasının 2019/20 mövsümünün son püşkatma mərasimi keçirilib.

Gununsesi.org-un məlumatına görə, İsveçrənin Nyon şəhərindəki tədbir üç hissədən ibarət olub.

Öncə 1/4 finalın püşkü atılıb. Burada 4 klub və cavab oyunları hələ keçirilməyən 1/8 finalın 4 cütünün rəqibləri bəlli olub. Portuqaliyanın paytaxtı Lissabonda keçiriləcək və bir qarşılaşmadan ibarət 1/4 görüşləri avqustun 12-15-də oynanılacaq.

Ardınca yarımfinal mərhələsinin püşkü atılıb. Həmçinin final matçının nominal meydan sahibi bəlli olub. Lissabondakı 1/2 final görüşləri avqustun 18-19-da, final 23-də baş tutacaq.

Çempionlar Liqası
1/4 final
1. “Real” (İspaniya) – “Mançester Siti” (İngiltərə) cütünün qalibi – “Lion” (Fransa) – “Yuventus” (İtaliya) cütünün qalibi
2. “Leypsiq” (Almaniya) – “Atletiko” (İspaniya)
3. “Napoli” (İtaliya) – “Barselona” (İspaniya) cütünün qalibi – “Çelsi” (İngiltərə) – “Bavariya”(Almaniya) cütünün qalibi
4. “Atalanta” (İtaliya) – PSJ (Fransa)

Yarımfinal

5. 1-ci cütün qalibi – 3-cü cütün qalibi
6. 2-ci cütün qalibi – 4-cü cütün qalibi

Final
6-cı cütün qalibi – 5-ci cütün qalibi

Qeyd edək ki, 1/8 final cütlərində cavab matçları avqustun 7-8-də
keçiriləcək.

 

 

Gununsesi.org