Türkiyənin ana müxalifət partiyası qurultayında ikinci tur səsvermə ilə yeni liderini seçdi.
Gununsesi.info bildirir ki, bu, Kılıcdaroğlunun əsas rəqibi olan Özgür Özəldir.
Beləliklə, Manisa millət vəkili və CHP Qrup sədri Özgür Özəl 38-ci Qurultayda partiyanın 8-ci başqanı seçilib.
Özəl 1974-cü ildə Manisada anadan olub. Ege Universitetinin Əczaçılıq Fakültəsində bakalavr təhsilini başa vurub. 1999-cu ildə özəl əczaçı kimi fəaliyyətə başlayıb. Özəl 2001-2007-ci illər arasında Manisa Əczaçılar Odasında bir dövr baş katib, iki dövr palata sədri, 2007-2011-ci illər arasında isə Türkiyə Əczaçılar Birliyində bir dövr xəzinədar və iki dövr baş katib vəzifələrində çalışıb. Özəl 24, 25, 26, 27 və 28-ci dövrlərdə Manisa millət vəkili seçilib. 25-ci, 26-cı və 27-ci dövrlərdə CHP Qrup sədr müavini vəzifəsini icra edən Özəl 28-ci dövrdə CHP Qrup sədrliyini üzərinə götürdü. Özəl alman və ingilis dillərini bilir, evlidir və bir övladı var.
Kılıçdaroğlu Özgür Özeli təbrik edib Kamal Kılıçdaroğlu CHP-nin 38-ci Qurultayında başqan seçilən Özgür Özeli təbrik edib. Kılıçdaroğlu sosial media hesabında “Ulu Öndərimiz Atatürkün etibarını bu günə qədər şərəflə daşımışam. Bu gün qurultay nümayəndələrimizin verdiyi qərarla sədrlik postunu yola salıram. Təşəkkür edirəm. Bu günə qədər mübarizəmizə dəstək olan hər kəsə.
“Başqan seçilən yeni sədrimiz Özgür Özəl,Sizi təbrik edir, uğurlar arzulayıram” deyə yazıb.
İlhamə
Gununsesi.info
