Çinin Siçuan əyalətinin Jiuzhaiqou bölgəsində Rixter şkalası üzrə baş verən 7 bal gücündə zəlzələ nəticəsində 2 min nəfərin qaldığı otel qismən dağılıb.
Gununsesi.info xəbər verir ki, yeraltı təkanlar yerli vaxtla 21:19-da meydana gəlib.
Məlumata görə, Tiantan otelinin foyesinin tamamilə çökməsi nəticəsində 5 nəfər ölüb. Otelə gedən yolun dağlıq ərazilərdən keçməsi səbəbindən təcili yardım xidməti vaxtında olaya müdaxilə edə bilməyib.
Buna baxmayaraq, 500 nəfərin təxliyə edildiyi bildirilib.
63 nəfər isə yaralanıb.
***
Siçuan əyalətində 7 bal gücündə baş vermiş zəlzələnəticəsində ölənlərin sayı 9 nəfərə, xəsarət alanların sayı isə 164 nəfərə çatıb.
Bu barədə yerli administrasiyanın məlumatında bildirilir.
Gununsesi.info
