Çinin ən böyük bankı ICBC və üç kredit təşkilatı China Citic Bank, Industrial Bank, Bank of Taizhou və Bank of China Rusiyadan yuanla olan ödənişləri qəbul etməyi dayandırıb.
Gununsesi.info xəbər verir ki, bu barədə Rusiya mətbuatına istinadən xəbər verir ki, martın sonundan kəskin şəkildə pisləşən vəziyyətdə əməliyyatların təxminən 80%-i göndərənlərə geri qaytarılmağa başlayıb.
Bildirilir ki, bu gün Çinə yuanın köçürülməsi böyük problem olduğu üçün aprel ayında avadanlıq idxalı da çətinləşib.
“İmpaya Rus” şirkətinin kommersiya direktoru Aleksey Razumovski sözlərinə görə kiçik məbləğdə ödənişlər kiçik Çin maliyyə institutları vasitəsilə həyata keçirilir:
” Onlar böyük banklardan nümunə götürməyə və məhdudiyyətlər tətbiq etməyə başlayırlar. Çinə gedən ödənişlər əvvəlcə uzun müddət dayanır, sonra müştəridən əlavə blankları doldurması xahiş olunur, yoxlama başlayır, sonra isə izahat verilmədən əməliyyatdan imtina edilir2-deyə direktor vurğulayıb.
Bu məlumatı Ticarət və Sənaye Palatasının (TSP) nəzdində fəaliyyət göstərən Biznes Şurasının baş direktoru Aleksey Eqarmin təsdiqləyib. Onun sözlərinə görə, sənaye məhsulları üzrə ödənişlər xüsusilə mürəkkəbləşib, lakin istehlak məhsulları üzrə ödənişlər hələ də davam edir:
“Yeni məhdudiyyətlər ABŞ-ın ikinci dərəcəli sanksiyaları riski ilə bağlıdır. Rusiyanın Çinlə dostluğuna baxmayaraq, Çin bankları Qərb tənzimləyiciləri ilə qarşıdurmaya girmək niyyətində deyil”.
Bildirilir ki, hesablamalarla bağlı problemlər 2023-cü ilin dekabr ayının sonunda ABŞ prezidenti Co Baydenin ABŞ Maliyyə Nazirliyinə Rusiya ilə əməkdaşlığa görə üçüncü ölkələrin şirkətlərinə və maliyyə təşkilatlarına qarşı ikinci dərəcəli sanksiyalar tətbiq etməyə icazə verməsindən sonra başlayıb.
Əvvəlcə Çin bankları ABŞ tərəfindən izlənildiyi üçün Rusiyadan dollarla ödənişləri qəbul etməkdən imtina edirdi. Lakin artıq yanvar ayında bir neçə kredit təşkilatı yuanla əməliyyatlar aparmaqdan imtina edib. Onların arasında “Ping An Bank” və “Bank of Nongbo” bankları da var.
“Bank of China” həmçinin əməliyyatın özünü elan edən “LPR”, “DPR”, Krım, İran, Şimali Koreya, Kuba və ya Suriya ilə bağlı olub-olmaması ilə bağlı məlumat tələb etməyə başlayıb. Bundan əlavə, bank ödənişi göndərən və ya alanın Rusiya silahlı qüvvələrinə aidiyyəti olub-olmamasına aydınlıq gətirib.
Qeyd edək ki, ikinci dərəcəli sanksiyalar riski fonunda Rusiya ilə hesablaşmalar da Türkiyə və BƏƏ tərəfindən məhdudlaşdırılıb. Rusiyadan Qazaxıstana olan ödənişlər də iki-üç həftə gecikmələrlə başlayıb.
Şəbnəm
Gununsesi.info
