Gununsesi.info xəbər verir ki, hazırda tibbdə 20-dən çox cinsi yolla keçən xəstəlik qeydə alınıb. Qadın cinsiyyət üzvlərinin spesifik iltihabi xəstəliklərinə trixomoniaz, süzənək, xlamidoz, kandidoz, mikoplazmoz, bakterial vaginoz, herpes, sitomeqalovirus, pappilomavirus infeksiyaları, İİV infeksiyası, qadın cinsiyyət üzvlərinin vərəmi və sairə aiddir. Son illər 20-24 yaş qrupunda cinsi yolla yayılan xəstəliklərin səviyyəsinin artması bir sıra səbəblərlə izah olunur. Müasir dövrdə gənclərin əvvəlki illərə nisbətən cinsi həyata erkən başlaması və çoxsaylı cinsi partnyor dəyişmələri, həmçinin hamiləlikdən qorunma tədbirləri içərisində kondomlar, antiseptik yerli preparatlar əvəzinə döllənmə əleyhinə həblərindən istifadə edilməsi bu xəstəliklərin yaylmasına gətirib çıxarır. Bundan əlavə bəzi amillər də cinsi yolla keçən xəstəliklərin artmasına səbəb olur:
-zərərli vərdişlərə meyillilik
-seksual davranış qaydalarının dəyişməsi
-beynəlxalq turizm
-urbanizasiya
-əhalinin miqrasiyası.
