Bakıda keçirilən İslam Həmrəyliyi Oyunlarında cüdo yarışlarına yekun vurulub.
Gununsesi.info Cüdo Federasiyasının saytına istinadən xəbər verir ki, Azərbaycan cüdoçuları bu mötəbər yarışda fantastik nəticə göstərərək 15 medal qazanıblar.
Fərdi yarışlarda 6 qızıl, 7 gümüş medal qazanan cüdoçularımız ümumi hesabda digər ölkələrin təmsilçələrini arxada qoyaraq 1- ci yeri tutublar. Millimiz komanda yarışlarında da parlaq qələbələr qazanıblar. Kişilərin mübarizəsində qızıl, qadınların yarışında isə gümüş medala sahib olub.
Heydər Əliyev adına İdman Sarayında keçirilən yarışları Azərbaycan prezidenti İlham Əliyev və 1-ci vitse-prezident Mehriban Əliyeva izləyərək, cüdoçularımızın zəfərlərini alqışlayıblar.
Anar
Gununsesi.info
